purana intro........

Recently I came across an old intro I had written somewhere and it was so ridiculous and hilarious that I couln't resist myself from mentioning it here. so here it goes.........


to begin wid...
naam hai humaara..Shivangi..
kabhi shauk hua karta tha hamein oil painting bannane ka [ironically n obviously ab nahi hai]

timepass me hum aksar kawaitayen likhte [pichle 4 months me 1 bhi nahi likhi hai] hain aur khud hi padh k smile kar lete hai. aur kisi ko nahi batate kyunki din dahade logon ko rulaane ka koi shauk nahi hai hamein.

NIFT me aane k pehle hum angrezi honours ki padhai kar rahe the , sath sath computers me BCA bhi kar rahe the. ab hua ye ki..... aana to tha hamein yahan tha silaai kataai karne, to 1 din accidently ICICI bank me NIFT ka rangbiranga prospectus dikh gaya aur humne bhi mazaak me form fill kar diya aur mazaak me hi aa pahunche hum leatherite banne k liye.

Aur haan humne schooling ki hai Sacred Heart School, Daltonganj se. ab aaplog puchoge ki ye kahan hain, to janaab chakkar ye ki map me dekhne par to shayad hi dikhe, fir bhi ....jharkhand rajya ki rajdhani ranchi se 160 kms door phool patti, vriksha,hariyaali se ghira 1 national park hai,'Betla national park', usi k baajoo me hai humaara home sweet home aur mazedaar baat ye bhi hai ki jitne log ,utne hi nexalites bhi hai wahan, to quite obviously hum kaafi bahaadur bhi hai. manufacturing karte samay hi bahaduri wali genes jyada daali gayi thi shayad mere me.reason baad me batayenge hum.

khair meri hobbies aur bhi hain jaise..

slow driving karna. hamein Ambassador car se lekar bajaj scooter tak chalane aata hai. genuine license bhi hai, still speed se dar lagta hai re baba.
hamein logon se baat karne se jyada achcha kitabon ka sar khana achcha lagta hai. isiliye mere ghar me logon ke liye alag alag kamre nahi hain but 'study room ' jaroor hai.unme physics se le kar history se lekar hindi english all types ki kitaabein hai.

Infact mere naam ki bhi badi dilchasp history hai. Shivangi naam*Shivani gaura pant, hindi ki renowned writer ka modified version hai & Shaily *P.B.Shelly ka.
to dekha dost kahani kitni bookish hai!

Nayi bhasha sikhne ka bhi kafi shauk hai humko. 1 baar french sikhne ka sur samaya tha to hum 1 book bhi kharid ke laye the, lekin 'bonjour' se aage nahi badh paye. kuch dino se german sikhne ka shauk utpan hua hai , to hum soch rahe hain ki 1 certificate course kar hi le.

school ke zamane me hamein dramatics ka bhi shauk hua karta tha,kafi saare naatak me hissa lete they hum, lekin isse pehle ki hum kafi melodramatic ho pate, hum 10th pass kar gaye jump kar ke. humari general knowledge me bhi ruchi hai. kai saare olympiad aur scholarship competitions me isi bal pe humne hissa liya tha aur jite bhi the.

jahan tak muzic ki baat hai, shantipriya gaane sunna hamein bahut pasand hai, kyunki jab hum gane lagte hain, to baaki log room chod k chale jaate hain, isliye hum chup reh k quality music sunte rehna pasand karte hain. dance ka humko bilkul bhi shauk nahi hai. Bachpan me humein classical dance sikhane ki saajish ki gayi thi lekin humne apni teacher ko hi naalayak saabit kar diya aur sabki aisi ki taisi ho gayi.

Hamara latest shauk hai, fokut me nature's beauty aur greenary dekhna, appreciate karna aur khush hona. Mazedar shauk hai.

Ab itni saari activities aur hobbies ko fulfill karte karte, zahir si baat hai humko kabhi itni fursat hi nahi milti ki hum bore ho sake.

Isliye hamara hai 1 hi life ka funda......
khushi mile ya mile danda.......

haste rahna hai apna ekmatra dhandha.

so be happy smile plz. [:)]